Хальмг Таӊһчин правительствин Герт Таӊһчин Толһач Алексей Орлов экономикин болн хулд-гүүлгәнә министр Зоя Санджиевала харһҗ күүндв. Харһлтын йовудт министр 2020 җил күртл таӊһчин делгрлтин  Стратегин тускар Алексей Орловд тодрхаһар келҗ өгв. Тиигәд, Стратегин шинрүлгдсн болн немгдсн төсвин белдврин, терүгәр олн-әмтнлә болн таӊһчин Улсин Хуралын (Парламентин) депутатнрла күүндвр тогталһна туст күцәгдҗәх көдлмшин тускар Зоя Санджиева зәӊглв.

Таӊһчин делгрлтин Стратегин тускар келхләрн эн документин  белдврт олн әмтнә сүв-селвг, ухан-тоолвр учртан авх кергтә, терүнә төлә эн төрәр олн зүсн площадкд күүндвр тогтахла сән болхмн, гиҗ региона һардач темдглв. Тер мет эн документин белдврт таӊһчин муниципальн бүрдәцсин депутатнр болн шинҗләчнр шунмһаһар орлцх зөвтә гиҗ  Алексей Орлов харһлтыг товчлҗ келв.

2020 җил күртл таӊһчин делгрлтин Стратегь 7 әӊгәс болн 2 приложеняс тогтна. Эн документин һол күслнь – таӊһчин экономикин делгрлт болн әмтнә бәәдл-җирһлин кемжә өөдлүлһн, олз-ору икдүллһн болҗана. Таӊһчин экономикин делгрлт 22 һоллгч зөрүллтәр күцәгдхмн гиҗ зуралгдҗана.

 

Зургнь: glava.region08.ru