Әрәсән Орн-нутгин Хүүвин депутат Батор Адучиев болн таңһчин селәнә эдл-ахун министр Баатр Болаев Якутскд «Государственная поддержка малых форм хозяйствования и устойчивое развитие сельских территорий в Республике Саха (Якутия)» гидг семинар-селвлцәнд орлцв.

Якутин Минсельхозин сайтд зәңглсәр, орн-нутгин регионмудас ирсн делегацс спортивн залмуд, Кысыл-Сыр болн Аппаны селәдин тосхлтс хәләв, тер мет  «Эрэл» гидг СХПК-д одв. Терүг болн нань чигн объектмүдиг «Развитие сельскохозяйственных потребительских кооперативов для развития материально-технической базы» гидг программар бәрсмн.

Никольскд болхла грантин мөңгәр тосхсн «Сэргэ» гидг КФХ-г секлһнә байрт орлцв.

Селәдиг болн баһ эдл-ахусиг дөңнлһнә болн  делгрүллһнә халхар күцәгдҗәх төрмүд лавта семинарт хәләгдв. Әрәсән Минсельхозин селәдиг делгрүллһнә  Департаментин һардач Владимир Свеженец, Якутии селәнә эдл-ахун болн хот-хоолар тетклһнә политикин министрин негдгч дарук Наталия Дягилева, нань чигн һардачнр болн регионмудас ирсн министрмүд орлцв.

 

Зургнь: minsel.sakha.gov.ru