Ѳцклдүр Хальмг Таңhчин Толhач Алексей Орлов кѳдлмшин халхар «Мегафон» компаня Ар-Деедин әңгин PR-директор Манҗин Кермнлә харhв.  Кермн Баh-Дѳрвд селәнә бәәрн күүкд күн, Б. Б. Городовин нертә Хальмгин университет тѳгсәснәннь хѳѳн Хальмг Радион корреспондент болж кѳдлҗ йовсмн. Шүлгүд бичәд, таңhчин барин халхд барлдг билә.

Терүнә хѳѳн, 2007-гч җилд Кермн «Мегафона» Поволжск әңгд рекламин болн PR-ин халхар менеджер болҗ эклҗ кѳдләд, сән тоод hарв. 2010-гч җилд «МегаФон-Таджикистан» әңгин олн әмтнлә бооца бәрлһнә халхиг hардсмн.

2013-гч җилд «МегаФона ѳдрмүд» гидг проект Таджикистана райодын  цутхлңгудт давулад, «Коммуникации в глобальном мире» гидг номинацд диилвр бәрәд, «Серебряный лучник» мѳрәһәр ачлгдсмн.

Җил хооран Кермн «Пресс-служба года» гидг марhанд «Репутационный капитал» проектд орлцад, «Җилин пресс-секретарь года» гидг цол зүүсмн.

Тер цагас авн Санкт-Петербургд «Мегафона» Ард-Деед үзгин олн әмтнлә бооца бәрлhнә Департамент hардҗ йовна. АКМР-ин тоолврар корпоративн коммуникацин халхар цугтаhаснь сән гисн 50 директормудин тоод йовна (рейтинг «ТОП КОММ 2015»).

Сул цагтан Манҗин Кермн оютнрт, PR-менеджермүдт «Корпоративный PR», «Антикризисный PR», «Узкие целевые аудитории. Сегментация PR», «Публичные выступления. Техники подготовки спикеров» болн нань чигн тѳрмүдәр мастер-класс ѳгнә.

Алексей Орловла харhсн саамд Кермен Викторовна эврәннь көлдмшиннь тускар келҗ ѳгсн деерән шидр Хальмгт болсн семинарин тускар зәңглв. Энүнә келсәр, хальмгин hардачнр эн семинарт орлцад, социальн сетьд кѳдлхин тѳлә ямаран эв-арhс олзлх кертәhинь дасҗ авцхав.

Таңhчин толhач Кермн Манджиевд дѳңг-тус күргснднь ханлтан ѳргәд, цааранднь чигн эврәннь тѳрскн hазртан нѳкд болхинь дурдв.

Харhлтын чилгчәр Алексей Орлов «Мегафона» Ард-Деед үзгин әңгин PR-директор Манҗин Кермнд белг белглв.

 

Увшин Зоя

Зургнь: glava.region08.ru