Хальмг Таңһчин Толһач Алексей Орлов бүрдәсн көдлмшин селвцәнд таңһчин правительствин Ахлач Игорь Зотов, таңһчар  бәәдг дотр-дундын керг-төрин министр Андрей Мишагин, правительствин  электронн делгрлтин Залврин һардач Константин Патрушев орлцв.

РФ-н гражданск паспортыг һарһҗ өглһнә туслмҗиг многофункциональн цутхлңгудт өглһнә туск Әрәсән Правительствин тогтавриг күцәлһнә төр энүнд хәләгдв.

Февралин нег шинәс авн эн туслмҗиг таңһчин цуг многофункциональн цутхлңгуд күргх зөвтә гиҗ селвлцәнд темдглгдв.
Тер дотр К. Патрушевин келсәр, ода деерән паспортыг әмтнд зуг Элстд өгхмн. Юңгад гихлә Әрәсән МВД-н некврәр МФЦ техническ көрң теткгдәд уга.
Тер учрар Хальмг Таңһчин Толһач А. Орлов правительствин Ахлач И. Зотовд эрк биш эн төрмүдиг түргәр хаһлад, таңһчин МФЦ  паспортыг һарһҗ өглһнә туслмҗиг орулх даалһвр өгв.

 

Зургнь: glava.region08.ru