Партин дарани хүүв деер Деед болн Генеральн советин гешүдиг суңһҗ авв. Деед советин ханьд Хальмг Таңһчин Толһач Алексей Орлов хәрү орв. Тер мет Хальмг Таңһчин Улсин Хуралын (Парламентин) Ахлач Анатолий Козачко Генеральн советин гешүнд бас суңһгдв.

Эн учрар Алексей Орлов хамдан үүлдҗәх партин гешүдт ханлтан өргҗәнә.

Хүүвин түрүн әңгин хамгин һоллгчнь – партин ахлач, Әрәсән Правительствин Ахлач Дмитрий Медведевин келсн үг, – гиҗ Алексей Орлов келв.

«Партин тавн җилә үүлдвр төгсв, эн цаг мана орн-нутгин олна-политическ җирһлд «Единая Россия» партин темдгтә болн ончта олн күцәмҗәр ончрв. Цәәлһҗ келсәр, «Единая Россия» – эндр өдрт һардҗах парть. Энүнә тәвҗәх күслмүднь эрк биш күцәгднә, җирһлд тохрна», – гиҗ Алексей Орлов товчлҗ  темдглв.

Единороссмуд дарани хүүв деерән партиннь ахлачин үүлд хәрү Әрәсән Правительствин Ахлач Дмитрий Медведевиг суңһв.

 

Зургнь: kalmyk.er.ru