Хальмг Таӊһчин Толһач Бату Хасиков 2020 җилин февраль сарин хөрн дөрвн «Цаһан Сар» гидг келн-улсин байрин Ɵдр болх гиҗ зарлҗах зəрлгд һаран тəвв.
Тогтсн авъясар, хавр ирсиг медүлдг, келн-улсин дурта байр темдглгдхин туск шиидвр болн тер өдр амрлһна өдр болх гисн зар «О свободе совести и о религиозных объединениях» гидг федеральн закана дөрвдгч статьян доладгч əӊгəр, «О праздничных и памятных днях в Республике Калмыкия» гидг Хальмг Таӊһчин закана негдгч статьяһар батлгдна, эннь хальмгудын улсин-сойлын авъяс-заӊшал делгрүлх күслтəһəр күцəгднə.
