Әрǝсǝн премьер Михаил Мишустин Әрǝсǝн Хол Дорд үзгин меҗǝг хаалһна туск заквр зарлв. Энүнǝ тускар эн Әрǝсǝн Федерацин Правительствин сүүрт зǝңглв.
Өдгǝ цагт мана орн-нутгт ǝǝмшгтǝ гемǝр гемнҗǝх ǝмтн уга. Мишустина темдглсǝр, бидн тер ǝǝмшгǝс мана улсиг гетлхин төлǝ цугинь кех зөвтǝвидн.
«Мана һол зөөр иргнмүдин эрүл-менд болдгин тускар дǝкн темдглҗǝнǝв. Тадн өдр болһн олнд ямаран бǝǝдл тогтҗахин, Правительств хальдврта гем эс тархагдтха гиһǝд, ю кеҗǝхин тускар зǝңглх зөвтǝт. Әмтнд тогтсн бǝǝдлин, тер тоотд Китдǝс кен хǝрҗ ирҗǝхин, теднд кергтǝ медицинск процедур өггдҗǝхин тускар келх кергтǝ.
Роспотребнадзорин толһач Анна Юрьевна Поповаг эн зǝңгллһнǝ көдлмшт орлцтн гиҗ сурҗанав. Эндрǝс авн зокаста заквр җирһлд тохрагдҗана. Хол Дорд үзгин региона меҗǝ хаахин төлǝ ямаран көдлмш кегдҗǝхин, Правительствин талдна шиидврмүдин тускар зǝңглхвидн», — гиҗ премьер келв.
