Январь сарин арвнас авн февраль сарин хөрн хойр күртл Хальмг Таңһчд 22 предметǝр цуг Әрǝсǝн сурһульчнрин олимпиадын региональн девсң болх.

2019 җилин ноябрь сарин 12-д батлгдсн 604-гч тойгта «Об установлении сроков проведения регионального этапа всероссийской олимпиады школьников в 2019-2020 учебном году» гидг Әрǝсǝн Федерацин гегǝрлтин Министерствин закврар эн керг-үүлдвр бүрдǝгдх гиҗ Хальмг Таңһчин сурһуль-эрдмин болн номин Министерств зǝңглҗǝнǝ.

Таңһчин бичкдүдин үүдǝлтин цутхлң цуг Әрǝсǝн сурһульчнрин олимпиадын девсңгүдин региональн оператор болна. rcdt-elista@mail.ru гидг сайтд нормативн документс, немр зǝңгллһ барлата. 884722 34211 гидг телефоһар җиңнүлǝд, олимпиадын тускар медҗ болхмн.