2020 җил төгстл Хальмг Таңһин йосд медицинск учрежденьс тосххин, тедниг сǝǝнǝр ясхин болн медицинск зданьсиг шинрүлхин төлǝ 1,3 җува арслң өгхǝр седҗǝнǝ гиҗ региона эрүл-менд харлһна министр Юрий Кикенов ТАСС-т зǝңглв.

«Батрсн зураһар таңһчд эрүл-мендин халхар ик көдлмш күцǝгдҗǝнǝ. Медицинск учрежденьс тосхлһнд, теднǝ шинрүллһнд, сǝн ясвр келһнд ик оньг өггдҗǝнǝ. Эн кергүдин төлǝ федеральн, таңһчин бюджетмүдǝс мөңгн йилһгджǝнǝ. Дǝкǝд меценат улс энүнǝ төлǝ мөңг өгчǝнǝ. Иргч җил төгстл эн кергүдин төлǝ ут тоодан 1,3 җува арслң өггдхмн», — гиҗ министр келв.

Дөрвн медицинск объект тосхгдх, ясгдх болн шинрүлгдх. Эн җилǝс авн Элстд шин бичкдүдин балһсна поликлиник эклǝд тосхгдҗана. Тер тосхлтын төлǝ 550 һар сай арслң һарһгдх. 2020 җилин чилгчǝр тер поликлиникиг эдлврт өгх гиҗ министр келв.

Урһх җилин сарин һурвна кесн нег хүвд региона йосн таңһин психоневрологическ диспансерин ясврин көдлмшиг дуусх. Эн күслин төлǝ Әрǝсǝн Федерацин правительствин фондын көрңгǝс 43 сай арслң йилһгдв. Дǝкǝд «Лукойл» компанин дөңгǝр Троицк селǝнд медицинск цутхлңгин төлǝ өггдсн здань шинрүлгдх. Энүнǝ төлǝ 45 сай һар арслң өггдв гиҗ  министр келв.

2019 җилд Хальмг Таңһд эрүл-мендин төлǝ 5 җува һар арслң йилһгдх. Келн-улсин төсвсǝр таңһчд зурһан җилин йовудт 2024 җилд күүнǝ җирһлин ǝмдрл 78,2 җил күртл өсх зөвтǝ.