Хальмг Таңһчин Толһач Бату Хасиков:

— Федеральн цутхлңла көдлмшǝн цааранднь давулҗанавидн. Хальмг Таңһчин Правительствин Ахлач Юрий Зайцевла болн терүнǝ негдгч дарук – таңһчин финансын министр Очир Шургучеевла Әрǝсǝн Федерацд регионмудын делгрлтин төрǝр үүлддг Правительствин комиссин сүүрт орлцввидн. Әрǝсǝн  Правительствин Ахлачин дарук Виталий Мутко терүг давулв.

Тер сүүрин йовудт федеральн цутхлңгин болн регионмудын бюджетмүдин хоорндк хǝрлцǝнлǝ залһлдата төрмүд хǝлǝгдв. Субъектмудыг яһҗ дөңнҗ болхин тускар келгдв. Келхд, социально-экономическ делгрлтнь сǝн биш 10 регионд тавн җилин туршарт немр 100 җува арслң йилһгдҗ өггдхмн. Хальмг Таңһч тер регионмудын тоод орҗана. Йилһгдсн мөңгǝр тер регионмуд ик чинртǝ төрмүдǝн хаһлҗ чадх. Регионмуд делгрхǝр зүтктхǝ гиһǝд, эн немр мөңгн йилһгдҗ өггдҗǝнǝ.

Тер арвн субъектд льгот бас өггдхмн. Федеральн бюджетǝс региональн төсвин-сметн документацс белдлһнǝ төлǝ мөңгн йилһгдх.

Дǝкǝд чигн олн төрмүд зөвшǝлх кергтǝ. Болв федеральн цутхлң мадниг медҗǝнǝ, дөңнҗǝнǝ. Бидн таңһчин делгрлтин Онц программыг җирһлд эклǝд тохраҗанавидн.