Дәкн байрта зәңг ирв. «Теңгрин ки» гидг «Өөрднр» Государственн бииһин театрин бичкдүдин хореографическ студин биичнр Москвад болсн  «Рождественск одд» гидг нарт-делкән фестиваль-марһана «улсин би» әңгд түрүн орм эзлв. Марһанд 8-11 наста бичкдүд орлцв. Эн байрта зәңг «Вконтакте» социальн сетьд бәәдг эднә халхд бичәтә.

Темдгтә фестивальд Әрәсәһәс, Эстоняс, Казахстанас болн Узбекистанас ут тоодан 150 коллектив орлцсмн. Бичкдүдиг Петр Надбитов болн Савр Цекиров биилдг дасхҗана. Уйн биичнр җил хооран биилдгән эклсмн, тегәд эн марһан эднә түрүн дамшлтнь, түрүн диилврнь болҗана.

 

Зургнь: vk.com/tengrinki08