Июлин 20-д Әәдрхнд «Торhн хаалh» гидг нарт-делкән ралли болхмн.

7 хонгин эргцд раллин орлцачнр Әәдрхнә, Аhшин, Липецк, Тульск болн Московск областьмудын болн мана таңhчин hазрар ут тоодан 3,5 дуунад машид гүүлгхмн. Мана таңhчд марhана хойр этап июлин 22-т болн 23-д болх.

Июлин 27-д, Москван Улан талвңд раллин орлцачнр ирҗ марhаhан төгсәх.

Келхд, раллид хамгин сән җолачнр орлцх. Тедн дунд 2014 җилин «Дакарин» дииләч Нани Рома, FIA гидг ралли-рейдар нарт-делкән Кубкин дииләч Владимир Васильев, «Дакарин» хойр дәкҗ дииләч Нассер Аль-Аттия, дииләч Сергей Карякин.

«КАМАЗ-мастер» гидг багин җолачнр бас орлцҗана. Эннь «Торhн хаалh» гидг нарт-делкән раллин дииләч Дмитрий Сотников,  2018 җилин «Дакарин» дииләч Эдуард Николаев, 2016 җилин «Дакарин» дииләч Айрат Мардеев, Антон Шибалов болн Андрей Каргинов.

Эн ралли-марафонд шин «КамАЗ» машин орлцх, терүг Сергей Куприянов гүүлгх.