«Барс» спортклубин зөрлдәч Олег Попов Ингушетин спортсмен Адам Богатыревла «M-1 Challenge 95 Битва в Горах» гидг нарт-делкән марhанд бәр-бәрлдхмн. Турнир июлин 21-д Ингушетьд бүдәгдхмн.

Цергә hарар ноолдана спортын мастер Олег Попов hурвн бәәр-бәрлдәнд орлцв, хойр диилвр бәрв болн нег дәкҗ шүүгдв. Сүл дәкҗ спортсмен 2016 җилд марhанд орлцла.

«Олег түрүн, Антон Вязигиниг диилсн ор hанцхн күн, hурвн минутын эргцд нокаутар терүг диилв», — гиҗ M-1 Global гидг нарт-делкән  промоутерск компаня пресс-релизд бичәтә.

23 наста Адам Богатырев самбоhар нарт-делкән классин спортсмен болна. Хойр дәкҗ нарт-делкән чемпион болв, Prime Selection гидг марhана Гран-При мөрә авла.

Профессиональн кемҗәнд Адам зурhан дәкҗ шүүв.