Хальмг Таӊһчин Толһач Алексей Орловин нернд «Газпром межрегионгаз» ООО-н генеральн директор Кирилл Селезневас бичг ирв.

Терүнд иигҗ келгдҗәнә: «Хальмг Таӊһчин Яшкулин района Хулхт селәнд газ оруллһна туск тана эрлһд конкурентн закупкин ашар 2018 җилин январь сарас авн «Хальмг Таӊһчин Яшкулин района Хулхт поселк хоорндк газопровод» гидг объектин тосхлтын-монтажн кѳдлмш эклхмн гиҗ «Газпром межрегионгаз» ООО зәӊглҗәнә. Ут тоодан 28,2 километр дууна газопровод 2018 җилин сентябрь сард газар теткгдхмн.

Келхд, 2017 җилин август сарин 1-д «Теегин зәӊг» интернет-газет бүрдәсн Хальмг Таӊһчин Толһачин түрүн «шуд линий» гидг тѳсвин йовудт Яшкулин школын багш Валентина Бейноева Алексей Орловд Хулхт, Молодежный болн Эрмели селәдиг газар тетклһнә тѳрәр сурвр ѳгсн билә.

Интернетәс авсн зург