Хальмг Таӊһчин Толһач Алексей Орлов инвестиционн бәәдл шинрүллһнә төрәр Государственн советин селвлцәнд орлцҗана. Кремльд болҗах селвлцәг Әрәсән Президент Владимир Путин һардҗ давулв.

Новгородск областин губернатор, Госоветин көдлмшч багин һардач Андрей Никитин  һоллгч илдкл кехмн. Тер мет инвестиционн бәәдл ясруллһна халхар селвгүд орулгдхмн, бизнесин төрмүд хәләгдхмн.

Госоветин селвлцәнд орн-нутгин правительствин һардвр, Әрәсән парламентин депутатнр, Советин Федерацин гешүд, экспертн сообществин элчнр, регионмудын толһачнр болн федеральн округмудт РФ-н Президентин  күцц зөвтә элчнр орлцҗана.

Зургнь: kremlin.ru