Әрәсән орн-нутгин Президент Владимир Путинә пресс-конференц декабрь сард болхмн. Болв ода деерән онц өдр зарлгдад уга, гиҗ орн-нутгин Президентин барин сегләтр Дмитрий Песков келсиг РИА Новости зәӊглҗәнә.

«Авъяст тохрсар пресс-конференц җилин чилгч өөрдҗ йовхла давулгдна. Тегәд декабрь сард эн болхмн»,- гиҗ Песков келв.

РБК-н тааврар җил болһн давулгддг орн-нутгин толһачин пресс-конференц декабрин 14-д болхнь лавта.

В.Путин түрүн болҗ иим пресс-конференциг 2001 җилд давулсн билә. Әрәсән Президентин ик пресс-конференцд федеральн болн региональн журналистнр, һазадын орн-нутгудын олнд зәӊгллһнә эв-арһсин элчнр  орлцна.