Октябрь сарин 17-с  авн 20 күртл таӊһчин Толһач Алексей Орлов Страсбургд (Франц) Европин Советин бәәрн болн региональн йосна 33-ч пленарн сессьт орлцхмн.

Эн сессь «Политический курс на децентрализацию в целях успешной интеграции беженцев» гидг төрәр давулгдҗана. Сессьт орлцачнр коррупциг хөрлһнә, баһчудын политикин, баһ келн-улсин кел хадһллһна, селән һазрин делгрлтин, күүкд улс политическ бәәдл-җирһлд орлцлһна төрмүдәр күүндхмн. Тер мет Европин Советин гешүдин – зәрм орн-нутгудт демократин туск документс батлхмн.

Октябрь сарин 19-д Алексей Орлов регионмудын палатын сүүрт өдгә цага Европд баһ келн-улсин болн регионмудын келнә бәәдлин төрәр илдкл кехмн гиҗ зуралгдҗана.

Урднь Хальмг Таӊһчин Толһач Алексей Орлов Европин Советин бәәрн болн региональн йосна 32-ч пленарн сессьт орлцсн билә. Әрәсән Президентин тогтаврас иштә А.Орлов 2016-2020 җилмүдт Европин Советин бәәрн болн  региональн йосна Конгрессин регионмудын палатд мана орн-нутгин элчин дарукин үүлд делегацин ханьд орулгдсмн. Мана орн-нутгин делегацин ханьд регионмудын болн зака үүдәгч органмудын   һардачнр, Федерацин Советин гешүд орна.